काठमाडाैं । नरेन्द्र मोदी नेतृत्वको सरकारले भारतीय जनता पार्टीका वरिष्ठ नेता एवम् पूर्वप्रधानमन्त्री लालकृष्ण आडवाणीलाई देशको सर्वोच्च नागरिक सम्मान भारत रत्नबाट सम्मानित गर्ने घोषणा गरेको छ ।
प्रधानमन्त्री मोदीले आफैं सोसल मिडिया एक्समार्फत यस्तो घोषणा गरेका हुन् । उनले लेखेका छन्, ‘लालकृष्ण आडवाणीजीलाई भारत रत्नबाट सम्मानित गरिने कुरा बताइरहँदा मलाई निकै खुसी लागेको छ । मैले पनि उहाँसित कुरा गरेँ र सम्मानित भएकोमा बधाई दिएँ ।’
१० दिनअघि २३ जनवरीमा बिहारका पूर्वमुख्यमन्त्री कर्पुरी ठाकुरलाई भारत रत्न दिने घोषणा गरिएको थियो । केन्द्र सरकारले एक वर्षमा बढीमा तीन जनालाई भारत रत्त सम्मान दिनसक्ने त्यहाँको प्रावधान छ ।
