लहान । नेपाली कांग्रेस बरियारपट्टी गाउँपालिका वडा नं.-४ का वडा कार्यसमितिका सभापति सुमन यादवद्वारा आयोजित होली मिलन कार्यक्रम भव्य रूपमा सम्पन्न भएको छ।

कार्यक्रमका अध्यक्ष बरियारपट्टि गाउँपालिका वडा नम्बर – ४ का सभापति सुमन यादव रहनुभएको थियो भने प्रमुख अतिथिका रूपमा पुर्ब सांसद तथा नेपाली कांग्रेस सिरहाका सभापति रामचन्द्र यादवको उपस्थिति रहेको थियो।

विशिष्ट अतिथि रूपमा बरियारपट्टि गाउँपालिका का अध्यक्ष सन्तोष कुमार महतो , उपाध्यक्ष ममता कुमारी यादव ,बरियारपट्टी गाउँ इकाई कमिटी सभापति योगेन्द्र प्रसाद यादव लगायत विभिन्न विशिष्ट व्यक्तित्वहरूको सहभागिता रहेको थियो।

अतिथिका रूपमा पालिका नेता कार्यकर्ता , पालिकाका कर्मचारी , सुरक्षाकर्मी , पत्रकार , आमजनता लगायत विभिन्न व्यक्तित्वहरूको सहभागिता रहेको थियो।

कार्यक्रममा विभिन्न सांस्कृतिक प्रस्तुतिहरू समेत समावेश गरिएको थियो। सहभागीहरूले आपसमा रंगहरू आदान-प्रदान गर्दै आपसी मेलमिलाप र सद्भावको सन्देश प्रवाह गरे।

प्रमुख अतिथि रामचन्द्र यादवले कार्यक्रमलाई सम्बोधन गर्दै होली पर्व आपसी सद्भाव र सामाजिक एकताको प्रतीक भएको उल्लेख गर्नुभयो। उहाँले भन्नुभयो, “समाजलाई जाति, धर्म, क्षेत्र र अन्य विभाजनबाट मुक्त राखी सबै नागरिकलाई समान अवसर प्रदान गर्नु हाम्रो मुख्य लक्ष्य हो। होलीजस्तो सांस्कृतिक पर्वले समाजमा प्रेम, सहिष्णुता र भाइचारा बढाउने विश्वास गर्न सकिन्छ।”

कार्यक्रमका अध्यक्ष सुमन यादवले आफ्नो मन्तव्य राख्दै होली पर्वले सबैलाई जोड्ने महत्वपूर्ण अवसर प्रदान गर्ने बताउनुभयो। उहाँले भन्नुभयो, “यस प्रकारका कार्यक्रमहरूले समाजमा मेलमिलाप र भाइचारा बढाउन महत्वपूर्ण भूमिका खेल्छन्। हामी सबै मिलेर समानता, विकास र समृद्धिको बाटो अपनाउनुपर्छ।”कार्यक्रममा सहभागी अतिथिहरूले पनि आफ्नो विचार प्रस्तुत गर्दै समाजमा सकारात्मक परिवर्तन ल्याउन यस्ता सांस्कृतिक कार्यक्रमहरूको आवश्यकता रहेको बताएका थिए।

कार्यक्रमलाई सम्बोधन गर्दै पालिका अध्यक्ष सन्तोष कुमार महतोले होलि पर्वले एक आपसको सम्बन्धलाई थप बलियो बनाउने विश्वास व्यक्त गरे । उनले जनप्रतिनिधि , कर्मचारी , पलिकाका जनताहरु , सुरक्षाकर्मी र पत्रकारबिच को सम्बन्धलाई होलिले सुमधुर बनाउने धारणा राखे ।

कार्यक्रममा उपाध्यक्ष ममता कुमारी यादवले असत्यमाथी सत्यको जितको रुपमा मनाइने रङ्गहरुको पर्व होलिले पालिका भित्र भएका गलत क्रियाकलापलाई हटाएर बरियारपट्टि बनाउने संकल्पका साथ अगाडी बढ्न प्रेरणा मिल्ने बताइन् ।

कार्यक्रमको अन्त्यमा होलीको रङ लगाएर शुभकामना आदान–प्रदान गरिएको थियो। उपस्थित सम्पूर्ण जनसमुदायले उल्लासपूर्वक होली पर्व मनाएका थिए।